Publikohet dokumenti: Si e rrahën milicia e Serbisë babain e Kadri Veselit në 1993 dhe çfarë ju tha ai

Një faksimile e gushtit të vitit 1993 e gazetës ‘Bujku’ tregon se si Kadri Veseli kërkohej nga policët serbë, të cilët pasi bastisën shtëpinë e Veselit i arrestuan babain e dy vëllezërit e tij dhe shqyen flamurin, transmeton Epilogu.

Milicia e Serbisë në numër shumë të madh e basistën shtëpinë e babait të Kadri Veselit z. Fazli Veseli, duke e kërkuar të birin e tij z. Kadri Veseli për veprime terroriste kundër shtetit të Serbisë.

Kadri Veseli nuk ishte në shtëpi, por ata arrestuan dy vëllezërit e Kadri Veselit dhe babain e tij. Babain e Kadriut e rrahën rëndë, por pas rrahjes ai iu tha “kurrë nuk do t’ua harroj dhe kurrë nuk do t’ua falë”.