Biseda Surroi – Fadil Hoxha: Në Drenicë kishte grupe të njerëzve të armatosur, lirshëm lëviznin, kishte kriminelë në mesin e tyre
Veton Surroi nëpërmjet shumë shkrimeve e ka dëshmuar frustrimin e tij me Rajonin e Drenicës dhe figurat emblematike të saj.
Në librin e tij ”Fadil Hoxha në vetën e parë”, ai ka shpalosur bisedat me Fadil Hoxhën të cilat i ka botuar në libër. Disa pjesë janë shpërndarë në rrjetet sociale.
Mehmet Gradica i cili është një nga patriotët shqiptar të kohës është cilësuar si kriminel lufte, ndërsa Shaban Polluzha si analfabet dhe shërbëtor i okupatorit.
“Sipas raporteve, të cilat i merrnim nga shtabet e njësive tona, u informuam se në Rrethin e Drenicës kishte grupe të njerëzve të armatosur dhe se mjaft lirshëm lëviznin, por që atje, në mesin e tyre, fshiheshin disa kriminelë të luftës, siç ishin Mehmet Gradica e të tjerë. Prandaj, atje dërguam Brigadën e Parë të Kosovës, për të rregulluar situatën. U interesuam se kush ishte Shaban Polluzha dhe mësuam se ishte një personalitet me ndikim dhe që ishte rreth 50 vjeç, ishte analfabet dhe kishte qenë në shërbim të okupatorit.
