Ish-ministri slloven ia jep meritat PDK-së dhe e falënderon për liberalizimin e vizave
Ish-ministri i Mbrojtjes i Sllovenisë, Roman Jakiq, e ka quajtur lajm të mirë heqjen e vizave për kosovarët.
Jakiq, për këtë sukses, ndër të tjëra e ka falënderuar ish-partinë në pushtet, PDK-në.
“Lajm i mirë për qytetarët e Kosovës. Nga sot ata mund të udhëtojnë në zonën Shëngen të Bashkimit Evropian pa viza, gjë që ne së bashku me Rrjetin Liberal të Evropës Juglindore (LIBSEEN), Partinë Demokratike të Kosovës, Partinë Aleanca e Liberalëve dhe Demokratëve për Evropën, kemi avokuar në vitet e fundit. Ju faleminderit të gjithëve”, shkroi Jakiq.
Përpos BE-së, kryeministri Albin Kurti dhe presidentja Vjosa Osmani e kishin konfirmuar se kriteret për vizat ishin plotësuar në vitin 2018.
Christian Wigang, zëdhënës i Komisionit Evropian ka treguar në një konferencë për media se të gjitha kriteret për liberalizimin e vizave Kosova i kishte përmbushur në vitin 2018.
Arsyeja se përse ishte vonuar liberalizimi i vizave ishte pikërisht Albin Kurti i cili me gazin lotsjellës kishte vendosur t’i bllokojë shumë procese e kështu edhe liberalizimin e vizave. Po i njëjti, Albin Kurti para 1 viti kishte deklaruar se procesi i vizave nuk varet nga ai sepse Kosova i kishte plotësuar kriteret në vitin 2018.
