Aktivisti i VV-së dhe një serb nga Beogradi e akuzojnë Thaçin për krime lufte
Fyerjet kundër personaliteteve në Kosovë nga simpatizantë e VV-së nuk kanë të ndalur. Pasi dje fyen rëndë ish-kryeministrin e Kosovës dhe liderin e LDK-së, Isa Mustafa, ata kanë vazhduar të fyejnë edhe Presidentin e Kosovës, Hashim Thaçi.
Këtyre fyerjeve dje u hapi rrugë ish-zëvendëskryeministrit të Kosovës, Haki Abazi i cili tha se të hënën Hashim Thaçi mund të mos kthehet fare nga Haga.
Thaçi dje kishte kujtuar masakrën e Srebrenicës në profilin e tij në Twitter, por edhe në Facebook.
Menjëherë janë mobilizuar aktivistë të VV-së. “Hipokrit. Ti je i akuzuar, derisa je duke bërë këtë Tweet”, ka shkruar Dugi Berisha.
Me konstatimin e tij është pajtuar edhe serbi Filip Stefanovic. “Pajtohem vëlla”, ka shkruar serbi.
Edhe në profilin e tij në Facebook, simpatizantë e VV-së, kanë vazhduar fyerjet ndaj pothuajse çdo postimi që bën Thaçi. “Ty më mirë me të pikëllu lajme që ke mu lidh të hënën”, ka qenë një reagim i Erionit Krasniqi, i cili në Facebook shpërndan lajme në mbështetje të liderit të VV-së, Albin Kurtit.
Shpërndaje në:
