Ambasada Britanike: Jemi të brengosur për rritjen e krimeve ndaj serbëve në Kosovë

Ambasada e Britanisë së Madhe në Kosovë ka kërkuar nga institucionet qendrore të Kosovës që të sigurojnë komunitetet jo shumicë.

“Jemi të brengosur me rritjen e krimeve të raportuara ndaj Serbëve të Kosovës gjatë pandemisë COVID-19. Është me rëndësi që të gjitha komunitetet të ndihen të sigurta në Kosovën multietnike”, thuhet në kumtesë, transmeton Klan Kosova.

“Ne kërkojmë nga institucionet qendrore që të marrin seriozisht këto shqetësime dhe të ofrojnë zgjidhje për të siguruar komunitetet jo-shumicë”.