fbpx
Lajme

Deputetja e VV-së tregon se çfarë veprimesh do të ndërmarrin pas vendimit të Kushtetueses

Deputetja e Lëvizjes Vetëvendosje Arbërie Nagavci është deklaruar për medie pas vendimit të Gjykatës Kushtetuese për dekretin e presidentit për mandatimin për kryeministër të Avdullah Hotit për formimin e Qeverisë së re.

Nagavci ka thënë se vendimi i mbrëmshëm i kësaj Gjykate është politik.

“Siç e kemi përcjell të gjithë në orët e vona Kushtetuesja ka nxjerr vendim. Ky vendim ngjan në një vendim politik dhe pas shkeljes së Kushtetueses nga presidenti”, ja thënë ajo.

Deputetja e VV-së ka theksuar se vendim është i papranueshëm, duke shtuar se vendimin do ta dërgojnë në Komisionin e Venecias.

“Për VV është një vendim i papranueshëm që e rrëzon Kushtetutën si aktin më të lartë juridik, dhe e humb tërësisht kuptimin e zgjedhjeve të lira. Është një vendim i papranueshëm në aspektin politik dhe në aspektin e aktit më të lartë juridik”.

Lidhur me hapat që do të ndërmarr VV-ja në ditët në vijim, pas këtij vendimi Nagavci ka thënë se mbetet të shihet, por që do të jenë demokratike.

“Për veprimet tona do të njoftoheni në ditët në vijim. Qytetarët janë të pakënaqur dhe janë shprehur pro zgjedhjeve të lira. Pas test-pritestës tani mbetet të shihet se cilat do të jenë mjetet juridike dhe politike që të jemi pranë qytetarëve që tregojnë dëshirë për zgjedhje të lira”, ka thënë ajo.

“Do ta dërgojmë këtë çështje edhe në Komisionin e Venecias”, ka thënë ndër të tjera Nagavci.

Artikujt e ngjajshëm

Leave a Reply

Your email address will not be published. Required fields are marked *

Back to top button
Close