Kryetari i Komisionit për Punë të Jashtme në Dhomën e Përfaqëuesve të ShBA’së, Eliot Engel ka reaguar pas zhbllokimit të fondeve për Kosovën nga Korporata Sfidat e Mileniumit.
Përmes një reagimi në Tëitter, Eliot Engel ka thënë se është i kënaqur që fondet e Sfidat e Mijëvjeçarit janë zhbllokuar për Kosovën, dhe se ato nuk është dashur që të suspendohen fare, raporton Gazeta Express.
“Jam i kënaqur që Korporata Sfidat e Mileniumit ka rikthyer fondet për Kosovën. Nuk është dashur të suspendohen fare. Kosova i ka plotësuar standardet e vështira të Sfidave të Mileniumit. Ndërprerja e këtyre fondeve për ta detyruar me zor për të ndryshuar politikat e tyre ishte në kundërshtim me vet çfarë përfaqëson Korporata Sfidat e Mileniumit”, ka thënë Engel.
House Foreign Affairs Committee
✔
@HouseForeign
Chairman @RepEliotEngel: I’m glad the MCC is resuming work in #Kosovo. It should never have been suspended in the first place. Kosovo met the MCC’s tough standards. Freezing MCC to bully Kosovo into changing policies went against what the @MCCgov is supposed to be about. https://twitter.com/MCCgov/status/1269305177489715200 …
Millennium Challenge
✔
@MCCgov
Statement of the Millennium Challenge Corporation Regarding the Resumption of Programs in Kosovo: https://www.mcc.gov/news-and-events/release/pressstmt-060620-resumption-of-programs-in-kosovo …
5
2:11 PM – Jun 7, 2020
Twitter Ads info and privacy
See House Foreign Affairs Committee’s other Tweets
Në anën tjetër, Kryeministri i Republikës së Kosovës, Avdullah Hoti, e ka mirëprtitur vendimin e Qeverisë së Shteteve të Bashkuara të Amerikës për ta riaktivizuar programin e Milenium Challenge Corporation (MCC) në Kosovë.
“Qeveria e Republikës së Kosovës e mirëpret zhbllokimin e fondeve për Kosovën nga Millennium Challenge Corporation (MCC), pas vendimit tonë për ta hequr masën e reciprocitetit ndaj Serbisë, si shenjë e vullnetit tonë për t’i dhënë hapësirë dialogut”, theksoi kryeministri Hoti.
Me këtë rast, kryeministri Hoti pohoi mirënjohjen e Qeverisë dhe të popullit të Kosovës për mbështetjen e vazhdueshme të Qeverisë amerikane për vendin tonë./Express/