Ish Kryediplomati Enver Hoxhaj dhe ish Presidentja Atifete Jahjaga kishin nënshkruar marrëveshje me Emiratet e Bashkuara Arabe për një donacion shumë të rëndësishëm në vitin 2015. Nënshkrimi për ndërtimin e Spitalit për Fëmijët.
Ja postimi i plotë i Enver Hoxhajt:
Emiratet e Bashkuara gjithnjë kanë qenë afër Kosovës. Kanë lobuar për njohjen e Kosovës, për anëtarësim e saj në organizata ndërkombëtare dhe e kanë mbështetur ekonomikisht. Ndërsa sot, dhuratë nga Emiratet e Bashkuara, u inaugurua spitali i fëmijëve “Sheikha Fatima”, i pajisur me teknologjinë e fjalës së fundit.
Falenderoj Emiratet e Bashkuara Arabe dhe mikun tim, ministrin e jashtëm, Sheikh Abdullah bin Zayed Al Nahyan.