Eskalon MPJ ruse, akuzojnë rëndë sekretaren Ollbrajt dhe Hashim Thaçin
Ministria e Punëve të Jashtme të Rusisë ka vazhduar me propagandë edhe në reagimin për vdekjen e ish-Sekretares amerikane të Shtetit, Madalaine Albright, raporton Express
Zëdhënësja e Ministrisë së Punëve të Jashtme të Rusisë, Maria Zakharova, ka thënë se Albright, ishte ideatore e bombardimeve ndaj Beogradit për shkak të Kosovës.
Ajo është ankuar “pse ndaj saj s’pati sanksione”. Në këtë reagim, Zakharova ka akuzuar edhe ish-presidentin Hashim Thaçi.
“Madeleine Albright, Sekretarja amerikane e Shtetit, është ideatore e bombardimit të Beogradit. Ajo vdiq një ditë para 23-vjetorit të arritjeve të saj në Ballkan. Me çka ishte sanksionuar Maeleine Albright? Asgjë. Një monument për vrasjen e serbëve është ngritur në Kosovë. Në ceremoninë hapëse ishte edhe ‘presidenti’ i Kosovës, Hashim Thaçi, komandant i të ashtuquajturës Ushtria Çlirimtare e Kosovës, që kishte tregtuar organe të serbëve të vrarë prej amerikanëve”, ka thënë Zakharova.
Ndryshe, Albright ka vdekur dje në moshën 84-vjeçare./Express
