fbpx
Lajme

Formohet grupi punues për Projektligjin për Byron e Konfiskimeve, opozita nuk përfshihet

Formohet grupi punues për Projektligjin për Byron e Konfiskimeve, opozita nuk përfshihet

Komisioni për legjislacion ka themeluar grupin punues për Projektligjin për Byron e Konfiskimeve.

Grupi ka në përbërje: Adnan Rrustemin, Artan Abrashin, Doarsa Kican, Hydajet Hysenin, Erxhan Galushin.

Opozita nuk u përfshi në grup, pasi kërkoi që Projektligji t’i kthehej Qeverisë për rishkrim.

Ndërkohë, intervistimi i kandidateve për anëtarë të Këshillit Gjyqësor të Kosovës ka mbetur për sesionin vjeshtor.

10:55

Opozita kërkon rishkrimin e Projektligjit për Byron Shtetërore

Komisioni për Legjislacion edhe mbledhur të mërkurën për ta formuar grupin e punës për Projektligjin për Byronë e Konfiskimevel

Kryetari i komisionit, Adnan Rrustemi, ka kërkuar që komisioni ta trajtojë në lexim të dytë Projektligjin.

“Projektligji ka kaluar në parim tash propozoj që i gjithë komisioni të jemi në grup punues për ta trajtuar në lexim të dytë këtë projektligj. Unë i kam dorëzuar brenda afatit disa amendamente si deputet si material pune për grupin punues në mënyrë që të kemi propozime. Qëndrimi është i qartë, të gjitha rekomandimet e komisionit duhet të adresohen në këtë projektligj”, ka thënë Rrustemi.

Ndërkaq, Driton Selmanaj deputet i Lidhjes Demokratike të Kosovës (LDK), ka thënë se në mënyrën se si është propozuar nga Qeveria, Projektligji është i papërmirësueshëm.

“Ne kemi diskutuar gjatë për këtë Projektligj dhe e kemi marrë edhe raportin e Venecias. Nëse e analizojmë me kujdes, Komisioni i Venecias vetëm një gjë e konsideron të pranueshme, që konfiskimi civil mund të ndodhë. Asnjë paragraf dhe asnjë nen tjetër nuk e aprovon sipas leximit tim të këtyre rekomandimeve. Kur komisioni i Venecias vë në dilemë mënyrën e themelimit dhe zgjedhjes së drejtorit dhe strukturën udhëheqëse, dhe më pas formën e raportimit a duhet t’i raportojë Kuvendit apo jo. Unë refuzoj të jem pjesë e këtij grupi punues. Do të ishte mirë t’i sugjerojmë qeverisë edhe në këtë fazë ta tërheqë idenë dhe ta sjellë sërish me adresim të rekomandimeve të Komisionit të Venecias”, ka thënë Selmanaj.

Besnik Tahiri nga Aleanca për Ardhmërinë e Kosovës ka kërkuar që Projektligji të kthehet në Qeveri në mënyrë që të shkruhet nga fillimi.

“Nëse Byroja ka për qëllim të jetë institucion i pavarur, me leximin e ligjit ky institucion bie ndesh me ligjin dhe bëhet i varur. Me këtë ligj e kemi ulur nivelin e trajtimit të kësaj teme. Sipas këtij Projektligji, drejtori zgjidhet me shumicë të thjeshtë. Ky drejtor që ka të drejtën të nisë hetime zgjidhet me 31 vota përderisa drejtorin e AKK e zgjedhin me procedurë të fshehtë. Ky institucion e godet në esencë atë që është ndërtuar për vite në gjykata dhe prokurori. Duke qenë se Komisioni i Venecias ka gjetur shumë vërejtje dhe faktori ndërkombëtar ka skepticizëm, propozimi ynë është që të kthehet ky ligj në Qeveri dhe të shkruhet prej fillimi. Ne si grup parlamentar nuk marrim pjesë në grup punues”, ka thënë Tahiri.

Edhe Hajdar Beqa nga Partia Demokratike e Kosovës (PDK) ka kërkuar që Projektligji të kthehet në Qeveri për rishkrim.

“Pajtohem me deputetët kur deklarojnë se kerkojnë nga Ministria – Qeveria ta rishkruajë ligjin. Ne konsiderojmë që kjo nismë është në kundërshtim me Kushtetutën dhe nuk do të marrim pjesë në grup punues. Kërkojmë nga Qeveria të krijojë konsensus me partitë tjera, ta kthejë ligjin dhe ta punojmë bashkërisht një ligj të zbatueshëm”, është shprehur Beqa.

Artikujt e ngjajshëm

Leave a Reply

Your email address will not be published.

Back to top button
Close