Gjatë luftës, forcat serbe vendosën njoftimin “Rruga e Drenicës – zonë armiqësore”

Ilaz Bylykbashi ishte reporter gjatë kohës së luftës. Ai në emisionin Pressing ka publikuar disa fotografi ekskluzive të kohës së luftës.

Njëra nga fotografitë e publikuara është edhe një njoftim i vendosur nga forcat serbe para hyrjes në Drenicë ku shkruan se “Rruga për Drenicë – zonë armiqësore (jo miqësore)”.

Rajoni i Drenicës ishte edhe rajoni më i diskriminuar në Jugosllavi sa i përket ndarjes së buxhetit. Vazhdimisht, kryengritet gjatë shekullit të fundit kishin shpërthyer në Drenicë. Kjo nuk i kishte pëlqyer pushteteve sunduese në Kosovë. Poashtu, aksionet e para ushtarake dhe themelimi i UÇK-së ndodhën pikërisht në Drenicë.