Nepotizmit duket se nuk ka mundur t’i ikë as Lëvizja Vetëvendosja në të kaluarën. Pavarësisht se kanë folur vazhdimisht për shtetin e kapur, familjarët e tyre janë punësuar në institucione publike.
Vazhdimisht, Lëvizja Vetëvendosja ka kritikuar të tjerët duke thënë se shteti është i kapur. Tanimë shtrojnë pyetjen shumë qytetarë, si ka mundësi që u rehatuan familjarët e krerëve të VV-së në institucionet publike, nese shteti ishte i kapur?!
Në rrjetet sociale, në shumë faqe janë publikuar familjarët e zyrtarëve të VV-së të punësuar në institucionet publike.
Bashkëshortja e Arben Vitisë znj. Merita Barani punon në QKUK dhe në Kolegjin UBT. Gjithashtu burri i Fitore Pacollit e cila është deputete e Vetëvendosjes z. Ilir Dalipi punon në KEK. Edhe motra e Ministrit të Infrastrukturës znj. Suliote Aliu punon në QKUK.
