Avokati nga Drenasi i cili ndërtoi një skemë mashtrimi për të miturën e dhunuar nga Drenasi, Gazmend Halilaj ka ‘befasuar’ me një postim të tij të bërë në rrjetin social Facebook. Avokati në fjalë është akuzuar edhe për pedofili nga organet kompetente gjyqësore.
Halilaj thotë se po të ishte në pozitën e kryeministrit Albin Kurtit, ditën e arrestimit të krerëve të SHIK-ut dhe oligarkëve tjerë nga Specialja duhet shpallur festë kombëtare.
Ai shkruan se, po të ishte në pozitën e Kryeprokurorit, për zhvatësit e privatizimit dhe shpronësimit të tokave, burgjet e Kosovës nuk kishin me i nxënë secilin që ka zhvatur.
Postimi i plotë:
Miq të dashur, po të isha në pozitën e z. Kurti ditën e arrestimit e krerëve të SHIK-ut dhe oligarkëve tjerë nga Gjykata Speciale duhet shpallur feste kombëtare.
Ndërsa po te isha në pozitën e Kryeprokurorit, për zhvatësit e privatizimit dhe shpronësimit të tokave të cilat “nder shekuj u lanë me gjak” burgjet brenda Kosovës nuk kishin mi nxënë secilin që ka zhvatur me to dhe secilin që sipas detyrës ka qenë i obliguar të ndjeke, ndaloj apo vënë para drejtësisë zhvatësit/keqpërdoruesit të cilët për 22 vite kanë manipuluar fshehur apo përfituar në mënyrën më ultë me to.