Në një deklaratë për media, ish-komandanti i njohur në Kaçanik, Ahmet Vishi, tha se nuk do të lejojnë të shkelen vlerat e luftës.
“Ahmet Vishi, vi nga komuna e Kaçanikut, kam qenë komandant i Operativës ‘Agim Behrami’. Ma ka pa hajrin krejt Kosova dhe sot jetoj dhe punoj me çekiç. Personalisht, nuk kam nevojë për asnjë cent, ama vlerat e luftës dhe luftën nuk e tolerojmë askënd me na e shkelë. Prandaj nuk jemi të kënaqur aspak me Albin Kurtin, se Albin Kurti ka luftu për pushtet, jo për shtet. Pushtetin e ka populli. Me m’ngu mu, unë nuk largohna prej këtu. Se këta këtu, ka tri rroga”, tha ai.