Ish-kryegjyqtari i EULEX që publikoi skandalet e EULEX-it: Do t’i kapërceni fatkeqësitë

Ish-kryetari i gjyqtarëve të EULEX, Malcolm Simmons ka folur për mosliberalizimin e vizave për Kosovën në Samitin e BE-së që u mbajt këtë javë.

Në një postim në Twitter, Simmons ka thënë se nga ajo që ka mësuar për popullin e Kosovës gjatë kohës që ka shërbyer në Prishtinë, është se ai është i qëndrueshëm dhe i ka kapërcyer fatkeqësitë, shkruan lajmi.net.

Ai ka thënë se Kosova ka bërë gjithçka çka i është kërkuar dhe një ditë do të shpërblehet.

“Një gjë që mësova për popullin e Kosovës është se ju jeni një popull elastik që gjithmonë do t’i kapërceni fatkeqësitë. Ju keni bërë gjithçka që ju është kërkuar. Një ditë do të shpërbleheni”, ka shkruar ai. /Lajmi.net/