Protesta e 10 shkurtit të vitit 2007 në të cilën u vranë Arben Xheladini dhe Mon Balaj u kujtua nga kryeministri Albin Kurti dhe aktivistë e anëtarë të Vetëvendosjes.
Ndër momentet më prekëse ishte ai kur ish aktivisti i Vetëvendosjes, Naim Ramizi i cili kishte qenë pjesëmarrës në atë protestë dhe të cilit i ishte rrezikuar jeta duke u goditur nga një plumb, i dhuroi Kurtit fanellën e gjakosur të cilën e kishte pasur të veshur atë ditë, shkruan Ballkani.info.
Fanella ishte e shpuar nga plumbi dhe e njollosur me gjak, prandaj Naimi e kishte ruajtur me fanatizëm atë.
“Mos tradhtoni dhe mos u shitni”, ishte mesazhi i Naimit derisa ia dha Kurtit fanellën. /Ballkani.info/
