Kurti që thoshte se kurrë nuk do të kemi ushtri, tash e quan FSK-në projekt madhor
![](https://epilogu.com/wp-content/uploads/2022/04/ja-ccedil-ka-thoshte-albin-kurti-p-euml-r-bisedimet-n-euml-rambuje-n-euml-vitin-1999-video_hd-780x439-1-780x405.jpg)
Kryeministri i Kosovës, Albin Kurti ka thënë se ushtria jonë po forcohet e zhvillohet për të siguruar e ruajtur paqen, demokracinë dhe progresin.
Kurti ka shkruar në Facebook se në kazermën “Adem Jashari” sot u betuan 311 rekrutë të rinj të Forcës së Sigurisë së Kosovës dhe morën statusin Ushtar i Kosovës.
“Ndërsa dje, me shumicë votash Kuvendi miratoi tri projektligje që fuqizojnë bazën ligjore për organizimin dhe funksionimin e Ministrisë së Mbrojtjes, FSK-së dhe të drejtat e obligimet për pjesëtarët e FSK-së: plotësim-ndryshimin e Ligjit për Shërbim në Forcën e Sigurisë së Kosovës, për Forcën e Sigurisë së Kosovës dhe për Ministrinë e Mbrojtjes. Ushtria jonë po forcohet e zhvillohet për të siguruar e ruajtur paqen, demokracinë dhe progresin. U jemi mirënjohës partnerëve, vendeve mike e aleate për gjithë përkrahjen në modernizimin dhe trajnimin e FSK-së”, ka shkruar ai.