Ish-paramilitarin Zhelko Razhnjatovic i njohur si Arkani e kishte rrahur një prishtinas në vitet e 70-ta. Gani Kolovica, personazhi i këngës së fundit të Unikatilit, ka treguar për rrahjen me Arkanin dhe gjunjëzimin e tij.
Gani Kolovica kishte gjunjëzuar ish-kriminelin serb, Zhelko Razhnjtoviq Prezenca e tij në Prishtinë, ngjallte frikë për shqiptaret e Kosovës. Por, krimineli i njohur serb Zhelko Razhnjatoviç i njohur si Arkani kishte hëngër dajak nga një kosovar, gjatë viteve të 70-ta në një lagje të kryeqytetit.
Paramilitarin serb e kishte gjunjëzuar Gani Krasniqi i njohur për prishtinasit si Gani Kolovica.
“Gangsteri” siç e kishte nofkën Ganiu, rrëfen për Televizionin T7 se si erdhi deri te rrahja me Arkanin.
Thotë se gjithçka nisi nga një lojë dyluftimi e quajtur ferr. Sipas versionit të Ganisë, Arkani, kishte pranuar t’i dilte përballë dhe të provonin forcat në periferi të Prishtinës.
“Ka qenë viti 70 dhe një person ka ardhë dhe më ka pyet apo donë me u rrahë se në atë kohë ka qenë një sport dyluftim e kemi quajtur fer”.
“Unë i them kush është? Thotë Arkan e ka emrin Zhelko Razhnatoviq- Arkan, Edhe unë i thashë po e kam pranu edhe e kam lënë ditën kur me dalë vendi i dyluftimeve ka qenë në Tok Bahqe aty kemi fillua i kem hekë rrobat edhe kemi fillu dhe ka zgjat 15 minuta, edhe e kam gjunjuzue, e kam rrahë e kam përgjak dhe është dorzue”.
Mu të gjithë të pranishmit më kanë que përpjetë ehe Arkani nuk është lajmrue më në Prishtinë
Njeriu që njihej si i fuqishmi i Prishtinës, po ashtu, ju kishte dalë në mbrojtje nxënësve kosovarë, që torturoheshin nga bandat serbe, në vitet e 90-ta. Madje, thotë se ishte marrë edhe më banditët e Prishtinës që nxiteshin prej serbëve.
“I kem hi punës edhe për disa vite kemi bërë përmirësime i kemi larguar huliganët edhe serbët që kanë qenë në bashkëpunim me forcat serbe, që ata i kanë shti”
Gangesteri nga Prishtina tregon një rast kur e kishte shpëtuar një vajzë nga dhunimi. Dhunuesit ishte shqiptarë të nxitur nga serbët.
“Ata tre katër veta kanë shkru e kanë marrë edhe me dhunue por, unë me kolegun tim i këna ndal ndihmë edhe i kemi shkatrru prej atyre edhe i kemi largu. Shqiptar, serbët i kanë shti shqiptarët”.
Se Ganiu ishte person me ndikim në atë kohë e thotë përmes tekstit edhe rep-artisti kosovar, që jeton në Amerikë Viktor Paloka- Unikatili.
Veçse ky ka menduar se Ganiu ka ndërruar jetë.
Ai ka mëndu nuk ka pas faj, sepse ka vdes gjatë luftës një ish ushtar i UCK-së në Kolovicën e re, ka qenë me emrin Gani edhe ka mëndu qe kam vdek unë
Megjithëkëtë, Ganiu ka një tregim për kohën kur kishte takuar Unikatalin.
Viktori ka qenë një çun i gjallë dhe dinamik edhe unë e kam taku dhe kam mëndu, por nuk më ka dalë Viktori ashtu kam bisedu me to, gjerë e gjatë edhe unë ata shumë e kom ç’mu edhe çmoj edhe si djalë të mirë tash edhe si këngëtar ishalla arritën në rangun botëror
Gani Krasniqi që gati ka mbushur shtatë dekada jetë, ishte pjesëtarë i UÇK-së në zonën e Llapit dhe është invalid luftës.
Personazhi i këngës së Unikatilit ka një karrierë në fushën e luftërave private përmes stilit fer, e që ishte frymë e kohës së viteve ’70.