Përderisa sot po zhvillohet seanca e Kuvendit të Kosovës, deputeti nga radhët e AKR-së, Labinot Tahiri, nesër pritet të vazhdojë të zhvillojë punën e tij të “vjetër” atë të këngëtarit.
Labi edhe pse që nga zgjedhjet e qershorit mori epitetin e deputetit të Kosovës, ai po vazhdon të zhvillojë edhe punën e tij tjetër, atë të këngëtarit.
Madje Labi nesër do të performojë në një nga diskotekat më të mëdha në vend, pranë një këngëtari tjetër. Duhet përkujtuar që Labi kishte deklaruar se që nga fillimi i punës së tij si deputet ai do të fillonte të zbehte profesionin e muzikës duke mos performuar.
