Letra e dikurshme e Grabovcit për Haradinajn, përmenden villat në Dubai dhe Monte Carlo
![](https://epilogu.com/wp-content/uploads/2021/06/auto_auto_auto_Adem-Grabovci-Ramush-Haradinaj149588139514959650591531493969-780x405.jpg)
Ish deputeti i Kosovës, Driton Tali ka publikuar një letër të Adem Grabovict i cili ia kishte shkruar kreut të Aleancës për Ardhmërinë e Kosovës, tash kryeministër Ramush Haradinaj.
Në këtë letër të publikuar Grabovci ia përmend Haradinaj pasuritë milionëshe.
Aty thuhet se, ka uzurpuar në emër të luftës shtëpi dhe banesa.
“Ramush, prej nga e arrite pasurinë marramendëse personale? – shtëpinë disamilionëshe në Prishtinë, – banesën dykatëshe në Prishtinë, – banesën në Prizren, – banesën në Tiranë, – banesën në Durrës, – villat në Durrës, në Brezovicë, – pronat disamilionëshe në Dukagjin, – tokat në Miradi, – kullat disamilionëshe në Glloxhan, – dy villa jashtë shtetit, në Monte Karlo dhe në Dubai. Duhet t’i dëshmosh pronësitë e tyre në detale”, thuhet në letrën e publikuar nga Driton Tali, shkruan gazeta “Bota sot”.
Lexojeni të plotë shkrimin e ish deputetit të Kosovës:
Pse ish xekrrue Ramushi dje me ata qe i kishin thone hajn?!
Adem Grabovcin nuk e shajti (bile i shkoi n’darsem) kur ja tha do llafe edhe ma t’shtira. Nashta ishalla jo vec per qi o hi n’koalicion me “shefat”.
Nese ke harru Ramush, ja letren e Ademit.
I bëj thirrje Ramushit të bëhet burrë dhe të ballafaqohet në debat publik drejtpërsëdrejti për të qartësuar të gjitha çështjet e ngritura dhe ato që do t’i ngris:
- Kush e ka dëmtuar imazhin e UÇK-së pas luftës duke bërë kërkesa, kërcënime dhe nxjerrë fitime për interesa personale?
- Ramush, prej nga e arrite pasurinë marramendëse personale? – shtëpinë disamilionëshe në Prishtinë, – banesën dykatëshe në Prishtinë, – banesën në Prizren, – banesën në Tiranë, – banesën në Durrës, – villat në Durrës, në Brezovicë, – pronat disamilionëshe në Dukagjin, – tokat në Miradi, – kullat disamilionëshe në Glloxhan, – dy villa jashtë shtetit, në Monte Karlo dhe në Dubai. Duhet t’i dëshmosh pronësitë e tyre në detale.
Advertisment - Ramush, ke uzurpuar dhe ke përvetësuar në emër të luftës: * shtëpinë në Pejë * banesën në Prizren * truallin e çerdhes së fëmijëve në Dragodan * pompat e benzinës dhe shumë të tjera.
- Ramush, ti personalisht kontrollon lojërat e fatit dhe bizneset e Casino-s!
- Reketi dhe zhvatja e bizneseve lidhet me emrin tuaj. Keni përmendur ndihmën e bizneseve vendore. Dokumento qoftë edhe një donacion të evidencuar në këto firma pranë Administratës Tatimore të Kosovës për 10 vitet e pasluftës në Kosovë (hiq fondin tuaj për Hagë).
- Me fondin tuaj për mbrojtje keni blerë toka e troje për qëllime personale. A është e drejtë kjo?
- Jeni involvuar në kontrabandim mallrash që vijnë nga Serbia në veri të Kosovës dhe në shumë shtete të tjera.