fbpx
Lajme

Miftaraj: Kosova ka ofruar amnisti për ata që kanë kryer krime lufte në Kosovë

Drejtori i Institutit të Kosovës për Drejtësi, Ehat Miftaraj, thotë se Kosova do ta ketë vështirë që disa vite më vonë të bëjë diçka lidhur me kimet e luftës.

Miftaraj thotë se osova s’ka filluar të përmbushë obligimin për zbardhjen e krimeve të luftës.

“Për vet faktin që jemi 21 vite pas përfundimit të luftës dhe Kosova pothuajse as nuk e ka filluar të përmbushë këtë obligim në zbardhjen e të gjitha krimeve të luftës në Kosovë, atëherë sigurisht që çdo vit që ne humbim nënkupton që Kosova pothuajse do të ketë të pamundur që pas 5 apo 6 vitesh të bëjë diçka lidhur me krimet e luftës në Kosovë”, thotë ai.

Miftaraj konsideron se qeveria duhet të hartojë një strategji kombëtare për çështjen e hetimit të krimeve të luftës, e cila sipas tij, do të duhej të miratohej në Kuvendin e Kosovës.

Ai kujton numrin e vogël të personave që janë gjykuar e dënuar për krime lufte në Kosovë.

“Kjo e parashtron nevojën e domosdoshme që Kosova të ndërrojë qasje dhe të ketë politikë me proaktive në hetimin, ndjekjen dhe gjykimin e krimeve të luftës në Kosovë. Tribunali Ndërkombëtar për krime lufte i Hagës, i cili ka përfunduar punën para disa vitesh, në raportin e tij përfundimtar kishte kërkuar që çdo shtet veç e veç, Serbia, Kroacia, Bosnja dhe Kosova t’i hetojnë krimet e luftës që kanë ndodhur në territoret e Kosovës. Përderisa shtetet si Serbia, Kroacia dhe Bosnja kanë qenë shumë më proaktiv duke hetuar dhe ndjekur, gjykuar, krimet e luftës, Kosova pothuajse ka qëndruar e heshtur, e fjetur, duke u ofruar amnisti të plotë të gjithë atyre që kanë kryer krime lufte në Kosovë”, u shpreh Miftaraj për KosovaPress.

Në Kosovë tashmë është e miratuar një strategji për krime lufte nga Këshilli Prokurorial i Kosovës.

Por fatkeqësisht vendi ka vetëm tre prokurorë që hetojnë dhe ndjekin krimet e luftës, pranë Prokurorisë Speciale të Kosovës.

Në kuadër të kësaj, drejtori i IKD-së vlerëson se Kosova do të duhet të ketë së paku 20 prokurorë në Prokurorinë Speciale, pasuar edhe me një numër të madh të gjyqtarëve nëse synon të përmbyllë një kapitull të hetimit dhe gjykimit të krimeve të luftës.

Artikujt e ngjajshëm

Leave a Reply

Your email address will not be published. Required fields are marked *

Back to top button
Close