fbpx
LajmeShëndeti

Ministri Zemaj apel qytetarëve: Tubimet e njerëzve janë bërë rreziku më i madh

Ministri i Shëndetësisë, Armend Zemaj, ka reaguar lidhur me mosrespektimin e distancës fizike dhe sociale, si dhe masave parandaluese të rekomanduara nga IKSHPK.

Siç thotë ai, tubimet dhe grumbullimet e njerëzve janë bërë rreziku më i madh, duke shtuar tutje se një ndër shkaqet e rritjes së frikshme të numrit të të infektuarve është edhe mosmbajtja e maskave dhe dorëzave.
Zemaj ka thënë se të gjitha institucionet publike e private duhet rigorozisht të ndërmarrin të gjitha veprimet që dalin nga udhëzimet e “Manualit për mbrojtjen nga përhapja e virusit covid-19”.

Ky është statusi i tij i plotë:

“Në këtë mengjes të punes, tek po lexoj informacionet e medieve vendore dhe të vendeve tjera, po shohim se Covid-19 vazhdon të jetë pelerina e zezë që po mbështjellë thuajse shumicën e kryetitujve. E në këtë kuptim edhe mendjen tonë.

Ky virus është shqetësimi ynë më i madh aktualisht. Është shndërruar si një kërbaç që çdo ditë po godet ndonjë qytetarë. Që nga fillimi detyrës unë si ministër dhe tërë stafi im me të gjitha kapacitetet po angazhohemi në këtë kryengritje kundër virusit. Por ushtarët kryesor jeni secili nga ju.

Tubimet dhe grumbullimet e njerëzve janë bërë rreziku më i madh.

Në to po fshihet ky virusi i pabesë që pret për t’u shpërndarë dhe atakuar.

Mos respektimi i distancës fizike dhe sociale dhe masave parandaluese të rekomanduara nga IKSHPK, mosmbajtja e maskave dhe dorezave, ditëve të fundit ka rezultuar me rritjen e frikshme të numrit të të infektuarve.

Kjo situatë është krijuar sidomos pas datës 30 maj kur u lehtësuan masat.

Çdokush duhet jetë i vetëdijshëm se virusi vërsulet e shpërndahet në tubime e grumbullime njerëzish dhe përmes kontakteve.

Në këto rrethana është e pamundur mbikëqyrja e përgjithshme.

E vetmja armë e jona kundër këtij virusi është ruajta e distancës fizike e sociale dhe respektimi i masave mbrojtëse dhe parandaluese.

Të gjitha institucionet publike e private duhet rigorozisht të ndërmarrin të gjitha veprimet që dalin nga udhëzimet e “Manualit për mbrojtjen nga përhapja e virusit covid-19”.

Ruaj distancën!

Vendos maskën!

Mbaje higjienen!”.

Artikujt e ngjajshëm

Leave a Reply

Your email address will not be published. Required fields are marked *

Back to top button
Close