Spitali i Përgjithshëm i Pejës ditë më parë ka hapur tenderin e radhës për këtë vit.
Këtë herë, drejtuesit e këtij institucioni shëndetësor kanë në plan të kurorëzojnë një kontratë për furnizim me ushqim.
Titulli i kontratës i dhënë nga autoriteti kontraktues është “Furnizim me bukë dhe byrek”, për kuzhinën e Spitalit të Pejës, shkruan Indeksonline.
Ndërkaq, vlera e parashikuar e kësaj kontrate nuk është edhe aq e vogël. Për këtë tender janë ndarë 22.100,00 euro.
Sipas njoftimit, spitali i Përgjithshëm i Pejës ka kërkuar dy artikuj 50.000 copa bukë si dhe 5.200 copa byrekë.
Poashtu bëhet e ditur se kohëzgjatja e kontratës do të bëhet për 12 muaj.
Hapja e tenderëve do të bëhet me 11 korrik. /Indeksonline/
