Policia e Kosovës ka dal me një sqarim për incidentin e djeshëm në zonën e komunës Zubin Potok, përkatësisht të fshatit Bube. Pas pranimit të informatës, polica thotë se janë dërguar njësite patrulluese policore të mbështetura nga hetuesit policor dhe Njësia për Reagim të Shpejtë, të cilët kanë kontrolluar zonën dhe kanë biseduar me banorë të asaj zone, me qellim të sigurimit të informatave rreth rastit.
Por, njoftojnë se edhe përkundër kërkimeve në terren, policia nuk ka arritur të gjej prova materiale përkatësisht gëzhoja të armës së shkrepur.
Ministri i Jashtëm kroat i kërkon BE-së t’ua liberalizojë vizat kosovarëve
“Dëshmitaret e rastit, përkatësisht ankuesit e këtij rasti, sot gjatë ditës jane intervistuar nga Policia e Kosovës, pasi të njëjtit gjatë ditës së djeshme nuk kane dhëne deklarata me pretekst se deklaratat do ti deponojnë në polici në Prishtinë.
Sot nga orët e paradites, policia ka siguruar deklaratat e dhjetë (10) ankuesve, ndërsa hetuesit policor së bashku me dëshmitaret dhe njësitë policore mbështetëse do të bëjnë serish shikimin e vendit të ngjarjes me qellim të kërkimit të provave materiale.
Policia e Kosovës, ka kërkuar bashkëpunimin dhe ndihmën e banorëve të zonës se Zubin Potokut, për zbardhjen e rastit të raportuar”, njofton policia, transmeton Gazeta Express.
Reklamë
Të gjitha veprimet policore në lidhje me rastin do të koordinohen në bashkëpunim me prokurorinë themelore në Mitrovicë.
Ndërkohë, Express ka siguruar video kur bjeshkatarët largohen nga zona e Zubin Potokut pasi dëgjohen të shtëna armësh.