Publikohet dokumenti ku tregohet se Kurti ishte bursist i Fondacionit SOROS
Dje, Kryeministri Kurti është takuar me djalin e George Sorosit në zyrën e tij. Por, sot është publikuar një dokument ku shihet se Kryeministri Kurti kishte përfituar financiarisht nga Fondacioni Soros.
Fondacioni Soros e kishte përzgjedhur si bursist Kryeministrin Kurti, në kohën sa ai ishte student.
Kryeministri i Republikës së Kosovës, Albin Kurti, së bashku me Ministren e Arsimit, Shkencës, Teknologjisë dhe Inovacionit, Arbërie Nagavci dhe Ministrin e Administrimit të Pushtetit Lokal, Elbert Krasniqi, ka pritur në takim përfaqësuesit e Fondacionit për Shoqëri të Hapur (OSF), Aleksander Soros, zëvendës kryetar i Fondacionit për Shoqëri të Hapur, Laura Silber, zëvendës kryetare e Fondacionit për Shoqëri të Hapur dhe Luan Shllaku, drejtori ekzekutiv i Fondacionit të Kosovës për Shoqëri të Hapur.
Gjatë takimit u diskutuan tema të ndryshme me interes për të dyja palët, me theks të veçantë në edukim, qeverisje të mirë, duke përfshirë e-qeverisjen dhe të dhënat e hapura.
U bisedua edhe për gjendjen me pandeminë, rimëkëmbjen ekonomike si dhe ndihmën që mund të ofrojë Fondacioni i Shoqërisë së Hapur.
