Sadri Ramabaja, eksponent i Lëvizjes Vetëvendosje, ka shkruar një status të gjatë, e në të cilën ka përmendur gazetë Nacionale e kreun e SBASHK-ut, Rrahman Jashari.
Ramabaja, që njihet për gjuhë aspak korrekte politikisht, e ka akuzuar Nacionale për shpifje, gjersa Jasharajn e ka quajtur marionetë të SHIK-ut e PDK-së.
Teksa thotë se asnjëherë nuk e ka quajtur Jasharajn njeri të Serbisë, ai e ka krahasuar kryetarin e SBASHK-ut me Haxhi Qamilin, një nga figurat më të errëta të historisë së shqiptarëve, i cili ishte edhe kundër pavarësisë së Shqipërisë.
Ai ka shkruar se veprimet e Jasharajt i ngjajnë me atë të Haxhi Qamilit, pra logjikisht një veprimtari anti-kombëtare.
Paradoksalisht, teksa thotë se është kundër linçimit, ai ka linçuar në mënyrën më të rrezikshme Jasharajn, duke e asocuar me një figurë përgjithësisht të urrejtur nga shqiptarët, i cili njihet për veprimtari anti-kombëtare.
“Personalisht jam kundër linçimit dhe si Njeri edhe mund të ndajë shumë mendime me RrJ dhe këta mbështetës të tij, por duke marrë në konsideratë faktin se ai dhe përgjithësisht krerët e Sindikatës (së Arsimit), më asociojnë në Haxhi Qamilin me veprimet e tyre, më falni, por në këtë rrafsh nuk mund t’ju falë.”, ka shkruar z.Ramabaja.
Postimi i plotë i Ramabajës:
Rrahman J., gazeta Nacionale dhe Haxhi Qamili
Duket se zejen e shpifjes gazeta NACIONALE po e intensifikon më shumë këto ditë, duke i shërbyer kështu luftës hibride që po merr përmasa të reja kundër Republikës.
Dje ajo shpifi se gjoha unë e paskam etiketuar Rrahman Jasharin si njeri të Serbisë!
Për hir të lexuesve, opinionit, më duhet të merrem me këtë shpifje të radhës.
Unë kurrë nuk e kam cilësuar Rrahman Jasharin si njeri të Serbisë.
Me veprimet e tij, ai më ka bindur se ka qenë dhe mbetet marionetë e SHIK/PDK-së. Kaq.
Dhe dje ai këtë e dëshmoi publikisht edhe më fuqishëm se çdo herë tjetër.
Edhe Haxhi Qamili si person, po edhe akti i kryengritjes si një Lëvizje fshatarësh të rebeluar, mund të mos kenë qenë të ndërlidhur me Serbinë a Turqinë, por me impaktin e tij/tyre në jetën politike të kohës, dërgonin ujë në mullirin e tyre.
Shqipërisë së sapo dalë nga zgjefha shekullire osmane, i duhej si buka e uji, stabiliteti politik dhe forcimi i pavarësisë.
Paralele fare lehtë mund të tlrhiqni efhe me momentumin politik wë ndodhet Republika e dytë e jona.
***
Prej dje janë vu në mbështetje të figurës së Rrahman Jasharit edhe personalitete publike, dhe ish miq e bashkëpunëtorë tjerë, që në një kohë, kanë punuar bashkë me Rrahman Jasharin.
Ju rikujtoj se Haxhi Qamilin e kanë pas mbrojtur edhe drejtues të Shtetit e personalitete tjera me peshë për bëmat e tyre në dobi të Kombit, por historiografia jonë ka dëshmuar se ishin gabim.
Personalisht jam kundër linçimit dhe si Njeri edhe mund të ndajë shumë mendime me RrJ dhe këta mbështetës të tij, por duke marrë në konsideratë faktin se ai dhe përgjithësisht krerët e Sindikatës (së Arsimit), më asociojnë në Haxhi Qamilin me veprimet e tyre, më falni, por në këtë rrafsh nuk mund t’ju falë.
Prabdaj i bëj thirrje Rrahman Jadharit, mos të lejoj të shkoj në histori si Haxhi Qamili. Këtë mundësi ai e ka në dorë vet.
Tani kur ligji për pagat pritet të definojë qartë mbështetësit real të mësimdhënësve dhe klasës punëtore përgjithësisht, greva nuk ka kurrfarë kuptimi si veprim sindikal.
Do t’i lutesha Qeverisë dhe Kuvendit, si qytetar aktiv dhe në cilësinë e profesor universitar, që procedimin e ligjit ta bëjë në mënyrë të përshpejtuar.
Gazeta NACIONALE, që abuzon para së gjithash me emrin e saj, le të vazhdojë të shpifë tutje.
Karvani ecën përpara.