Zyrtari i Lëvizjes Vetëvendosje, Sami Kurteshi, në një prononcim për gazetën “Bota sot” i është kundërpërgjigjur nënkryetarit të LDK-së, Lutfi Hazirit, i cili tha se emri i kryeministrit kalon nga zyra e LDK-së, madje ofendoi disa komentues në Facebook.
Në pyetjen se si komentohet deklarata e Hazirit dhe se a mund t’i prish raportet VV-LDK, Kurteshi ka thënë shkurt se nuk dëshiron të merret me deklaratat e tij, duke e quajtur injorant, pijanec e banal.
“Unë nuk merrem fare me deklarata të personave të tjerë, madje as të injorantëve pijanec e banal. Nuk e ul kaq shumë nivelin e komunikimit publik”, ka thënë shkurt Kurteshi.
Ndryshe, Lutfi Haziri vazhdimisht ka qenë i ashpër me Lëvizjen Vetëvendosje në fushatën zgjedhore, e kjo po vazhdon edhe pas zgjedhjeve.
Kujtojmë se Lutfi Haziri është zgjedhur në krye të shtabit për bisedimet me Vetëvendosjen.