fbpx
Lajme

Tahiri pas takimit me Hotin: Qeveria e re javën e ardhshme

Sekretari i AAK’së, Besnik Tahiri ka folur para mediave pas takimit me të mandatuarin e LDK’së, për kryeministër, Avdullah Hotin, raporton Gazeta Express.

Tahiri ka deklaruar se kanë mbetur edhe disa çështje për t’u dakorduar, e se thotë se deri më tani s’kanë marrëveshje.

Sipas tij, seanca mund të thirret shumë shpejt, derisa ka paralajmëruar qeveri të re javën e ardhshme.

“Do të dakordohemi edhe për çështjet me dikasteret, deri më tani nuk ka ndonjë marrëveshje, shumë shpesh do të dalim me marrëveshjen finale, një marrëveshje e shpejtë për të nisur një qeveri të re, për të ndihmuar në këtë gjendje të rëndë është më se e nevojshme. Ajo që dua të them është se po punohet për t’u përgatitur kjo seancë, javën e ardhshme jam i bindur se do të kemi një qeveri të re”, ka deklaruar ai.

Tahiri ka thënë se emrat që janë lakuar si të propozuar të AAK’së për ministra, janë ata që janë diskutuar edhe në parti.

“Këshilli drejtues e ka votuar marrëveshjen me LDK’në, kryetari Haraidnaj ka pasur takime me anëtarët e AAK’së dhe do të votohen edhe emrat, derisa të mos votohen emrat në Kuvend nuk duhet të thuhet se kemi vendim final, mirëpo, këta janë emrat e diskutuar nëpër forume.

Sot ka qenë një takim pune, në javën e ardhshme do të duhej që të votoj. Kosova është me një qeveri të shkarkuar është plotësisht në dorën e opozitës, nuk mund të nisin asnjë nismë legjislative”, shtoi ai, duke bërë të ditur se për ministër e kanë përmendur edhe emrin e Blerim Kuqit.

Tags

Artikujt e ngjajshëm

Leave a Reply

Your email address will not be published. Required fields are marked *

Back to top button
Close