fbpx
Lajme

Trondit Nenad Çanaku: Albin Kurti u rekrutua nga Shesheli, për këtë s’kam dyshim

Nenad Çanak, politikani liberal serb, që dikur ishte edhe kryetar i Kuvendit të Vojvodinës, ka bërë një deklaratë tronditësë në relacion me kryeministrin e Kosovës Albin Kurti. Në emisionin Sokantno, Çanak pretendoi se Kurti, me të cilin u takua vitin e kaluar zyrën e tij në Kryeministri, ishte rekrutuar nga Vojislav Sheshel, kriminel i dënuar lufte nga Haga dhe një nga figurat më radikale të politikës serbe.

Gjatë dikustimit me Milomir Mariqin, gazetar serb, politikani Çanak thekson se nuk e di nëse Kurti ende është agjent serb, por megjithatë pretendon që Kurti dikur ishte rekrutuar nga Sheshel.

Dialogu mes Çanakut dhe Mariqit zhvillohet saktësisht në nga minuta 18:40 e emisionit “Sokantno”, të cilën Nacionale po e sjell të përkthyer:

“MariqE sulmon Vojislav Sheshelin me muaj e vite.

ÇanakAtë kriminel, atë mjeran.

MariqKam zbuluar para disa ditëve rolin e tij historik se si ai me shokun e tij me emrin “Laufer” që e ka themeluar Partinë Radikale Serbe.

Çanak: Kur u prishën me Kurtin?

MariqKur ai e trajnoi Kurtin që të bëhet agjent serb në burgun e Nishit.

Çanak: Për këtë të pyes. Kurti nuk ka marrë nga Shesheli veç dobësinë folëse.

Mariq: Kush e flet serbishten më mirë, Shesheli apo Kurti?

ÇanakKurti. Personalisht kam folur me të.

Mariq: A është Kurti agjent serb të cilin e ka rekrutuar Shesheli bashkë me Lauferin?

ÇanakQë e ka rekrutuar është e sigurtë e nëse është agjent serb këtë nuk e di.

MariqAi ka punuar dikur me Sheshelin.

ÇanakKëtë nuk e di, e di që e kanë rekrutuar dhe kjo është plotësisht e logjikshme.”- përfundon pjesa ku flitet për “rekrutimin e pretenduar” të Kurtit.

Gazeta Nacionale ka kontaktuar me asistentin e Çanakut, për të kërkuar hollësi në lidhje me këtë prentendim të rëndë. Nacionale ka pyetur nëse ka ndonjë fakt apo dokument që vërteton këtë akuzë ndaj Kurtit. Gjithashtu, Nacionale e pyeti nëse këtë çështjen Çanak e ka biseduar me Kurtin gjatë takimit me të në Zyrën e Kryeministrit të Kosovës. Por deri në botimin e këtij shkrimi ende nuk ka përgjigje nga Çanaku.

Laufer” është një kod i aksionit të spinuazhit që e kishte aktivizuar Sheshel, e që ishte mekanizëm spinuashi i Partisë Radikale Serbe.

Ndryshe, Çanak vazhdimisht ka mbajtur qëndrime liberale karshi çështjes së Kosovës, që e bënë atë të dallueshëm nga shumica absolute e politikanëve serbë. Madje, politikani serb e njeh Kosovën si shtet të pavarur.

Kur flasim për lëvizje të caktuara të udhëheqjes serbe, kjo nuk do të thotë se është një sulm ndaj Serbisë si shtet, por ndaj lidershipit të caktuar. Kosova nuk ka se çfarë të njihet, ajo është e pavarur.” – theksonte Çanak për “Prva TV”, transmetonte Koha më 10 tetor 2021.

Çanak befasoi edhe me vizitën e tij në Mehe, vendin e masakrës më të madhe në Kosovë, duke vendosur lule tek varret e të vrarëve nga ushtria dhe policia serbo-jugosllave.

Të gjitha nënat në botë qajnë për fëmijët e tyre në gjuhën e njëjtë”, shkruante Çanak në Twitter, transmetonte Epoka e Re.

Ndërsa ishte vetë Kurti që kishte njoftuar që e kishte pritur Çanakun për vizitë, duke lëshuar madje një komunikatë për media.

Kurti e njoftoi Çanak se janë 1,632 persona që konsiderohen të zhdukur dhe theksoi se qeveria do të angazhohet maksimalisht për të gjithë të pagjeturit, pa marrë parasysh përkatësinë e tyre etnike”, thuhej nga Qeveria Kurti, ndër të tjerash, transmetonte Telegrafi.

Para disa muajsh, Çanak në një intervistë për Nacionale, kishte folur për dialogun mes Kosovës dhe Serbisë, duke Beogradi dhe Prishtina janë të lodhur nga tensioni.

Nëse i trajtoni negociatat si një luftë midis të gjitha palëve, nuk ka rrugë të mesme dhe zgjidhje të mira. Prandaj mendoj se prania e intelektualëve të pavarur do t’i ndihmonte këto negociata.”, vlerësonte ai në intervistën për Nacionalen.

Artikujt e ngjajshëm

Leave a Reply

Your email address will not be published.

Back to top button
Close