Mistereve të shumta që kanë mbuluar lëvizjen studentore në Shqipëri, i shtohet edhe një tjetër. Një vizitë misterioze e kreut të Lidhjes Komuniste Krahinore të Kosovës, Mahmut Bakalli, në janarin e vitit 1990 në Tiranë, i cili u takua me krerët e rinj të Partisë Demokratike. Ky mision në hije, është bërë publik vetëm një herë në një fjalim në Kuvend i të ndjerit Azem Hajdari, në Parlamentin shqiptar në shtatorin vitit 1992. Mahmut Bakalli, i cili aktualisht nuk jeton më, pas Luftës së Kosovës, u bë këshilltar i kreut të Aleancës për Ardhmërinë e Kosovës, Ramush Haradinaj. Në fakt pas kësaj kohe edhe marrëdhëniet mes zotit Haradinaj dhe zotit Sali Berisha janë përmirësuar dhe kanë mbetur të mira…
Lideri i Lëvizjes studentore, Azem Hajdari, ishte një ndër figurat më të goditura nga lidershipi i PD-së në vitin 1992, gjatë përjashtimit të mocionistëve por edhe disa muaj më pas. Në këtë situatë, ai kërkoi nga Parlamenti ngritjen e një komisioni parlamentar për të zbardhur figurën e tij lidhur me akuzat që i adresoheshin. Ai e bëri këtë kërkesë, në një fjalim shumë të rëndësishëm në një seancë plenare në shtator të vitit 1992. Ai theson ndër të tjera: Të ngrejë një komision, i cili të studiojë veprimtarinë time që kur kam lindur. Ç’lidhje kam me Ramiz Alinë? Ç’lidhje kam me Sigurimin e Shtetit? Ç’lidhje kam me të huajt? Ç’lidhje kam me grupet? Jam gati të deklaroj të ardhurat e mia financiare. Të ngrihet një komision dhe të vijë të shikojë ku jeton Azem Hajdari. Me kë është i implikuar?”
Më poshte botohet i plotë fjalimi i Hajdarit në seancë plenare, shtator 1992
Azem Hajdari – Sot, në këtë seancë, e marr fjalën për disa shqetësime që unë kam si deputet dhe për furnizimet që i bëhen opinionit publik me shpifje.
Nuk kam folur këtë muaj, sepse kam ndenjur të studioj gjendjen dhe ma merr mendja që kam arritur në pi
Të ngrejë një komision, i cili të studiojë veprimtarinë time që kur kam lindur. Ç’lidhje kam me Ramiz Alinë? Ç’lidhje kam me Sigurimin e Shtetit? Ç’lidhje kam me të huajt? Ç’lidhje kam me grupet? Jam gati të deklaroj të ardhurat e mia financiare. Të ngrihet një komision dhe të vijë të shikojë ku jeton Azem Hajdari. Me kë është i implikuar? Për gjithë veprimtarinë time jam gati të ngre një komision hetimor, komision parlamentar, të kryejë një aktivitet dhe t’ia paraqesë Kuvendit Popullor një raport për të përcaktuar se si është e vërteta.
Dikush mund të mendojë se Azem Hajdarit ia ka zënë kush bishtin. Azem Hajdari vetëm besën jep dhe e mban atë. Të dini një gjë, zoti Kryetar, nëse nuk dini të flisni ndershmërisht, unë mbi nderin tim dhe të familjes time nuk lejoj njeri të më shkel me këmbë; dhe kur tërhoqa zvarrë plepat si Enver Hoxha e Ramiz Alia, kallamat që kanë ngritur tani kokën unë do t’i tërheq zvarrë. E them edhe njëherë, kur tërhoqa zvarrë plepat si Enver Hoxha e Ramiz Alia, unë për kallama nuk pyes.
E ngre këtë, sepse kur shkoj te fëmija im në darkë dhe ai më pyet: “Pse deshe të më lësh jetim?” Dhe unë dua t’i them: “Për demokracinë, për Shqipërinë, për të ardhmen e këtij vendi”.
Duke dalë përpara opinionit publik dhe jam i bindur si deputet, si qytetar, si student nuk kam humbur asnjë votë. Me demokracinë në Shqipëri nuk ka pasur lidhje demokracia. Lidhja studentore ishte e pastër si shpirti i studentëve. i thirrëm njerëzit dhe erdhën. Atëherë do të flas përpara jush. Ç’kërkoi këtu Mahmut Bakalli? Me kë u takua Mahmut Bakalli në janarin 1990? Ç’direktiva i dhanë? Sot po shohim direktiva të tjera deri në detajizim. Ju lutem, më vendosni nderin në vend si Parlament. Ju lutem, verifikoni dhe jam gati përpara jush të deklaroj çdo gjë, në rast se nuk dalin këto të vërteta. U bëj thirrje deputetëve që janë të implikuar me Sigurimin e Shtetit të largohen. Nuk po përmend emra sot. Janë këtu. U them edhe njëherë atyre që janë munduar të furnizojnë opinionin publik me shpifje. Populli shqiptar mua nuk ka me më ndalur. Familja ime është e ndershme . Në rast se nuk do të jem i ndershëm, të ma vënë litarin aty te Skënderbeu, përndryshe kallamat ta dinë mirë se unë do t’i heq zvarrë në mënyrë të ligjshme apo të paligjshme. Mbi nderin tim nuk lejoj njeri të shkelë më.
Tomor Malasi
Zoti Azem Hajdari, kërkesën mund ta paraqisni me shkrim. Dua të theksoj diçka: Të gjithë politikanët sot në skenën politike shqiptare janë pre e sulmeve të shtypit, nga të gjitha drejtimet. Nuk është Kuvendi Popullor që merret me opinionet, me shpifjet apo me trillimet që mund të bëhen nga të gjitha drejtimet e mundshme, megjithatë insistimi juaj ka një bazë, me sa kuptoj.
Azem Hajdari
Kryetari i Shërbimit Informativ, fut njerëz në burg dhe shkon u thotë njerëzve në burg: “Deklaroni për kryetarin e komisionit të mbrojtjes kështu apo ashtu Ramiz Alia është jashtë. Është takuar në Durrës me agjentin e CIA-s. Jua thashë dhe në grupin parlamentar. E përsëris edhe një herë: Mahmut Bakalli, në janarin e vitit 1991 erdhi në Tiranë dhe bëri dy takime. Ç’u tha në këto takime dhe veprimtari të tjera, këtu do të dalin. Shqipëria është e shqiptarëve dhe të mos mendojë kush se rininë time ose nderin tim mund ta shkelë. i kam lënë edhe njëherë kallamat që të çohen përpjetë, ta dinë kush jam, me mua nuk flitet kështu. Zemra e pastër e imja, e studentëve dhe e shqiptarëve nuk mund të bjerë në dorë të huaj, Ju thashë edhe një herë: Dua t’i tregoj fëmijës tim pse desha me e lanë jetim, t’i tregoj babës tim pse desha me e lanë në rrugë. Do t’i tregoj Shqipërisë pse dola ose përndryshe më vjen keq ky popull është i lodhur. Nuk kam humbur asnjë votë. Nuk jam i përzier me kurrkënd, ju lashë, e lashë postin; nuk dua post, po me nderin…
Tesheshi.com