fbpx
Lajme

Zemaj takon drejtorët e QKUK-së

Ministri i Shëndetësisë po zotohet se do të kërkojë llogaridhënie nga secili punëtor shëndetësor, megjithatë thekson se nuk kanë për qëllim shkarkimet. Pas takimit me drejtorët e klinikave, ministri Armend Zemaj ka vizituar edhe Klinikën e Radiologjisë dhe Pediatrisë.

Zemaj tha se sot kanë parë për së afërmi punën në QKUK, me qëllim të koordinimit të punës më të mirë me klinikat.

“Në situatën aktuale që jemi të emergjencës kërkojmë që të rrisim performancën, llogaridhënien dhe të kthejmë shërbimet e plota dhe qytetarët tonë të mos vuajnë nga asnjë pasojë qoftë e neglizhencës apo e mos përgjegjësisë, për të cilët di të kërkojë llogari dhe raporte të bazuara e të saktësuara”, tha ai.

Zemaj tha se nuk shkojnë me logjikën e shkarkimeve, por të rifreskimit, avancimit të punëve dhe kryerjen e tyre me nder dhe etikë.

Ai ka folur edhe për shtesat e punëtorëve shëndetësorë në vlerë prej 300 eurove.

“Ne do të jemi në përkrahje edhe në aspektin buxhetor. Ju e dini që me shfuqizimin e Ligjit për Paga edhe si ministër i Shëndetësisë por edhe si Qeveri e Kosovës kemi kaluar në një nivel tjetër të kësaj problematike. Bashkërisht edhe me drejtorin por edhe me të gjithë jemi të angazhuar që në kuadër të mundësive buxhetore të shohim racionalizim të plot dhe ndihmesë maksimale për të gjithë punonjësit shëndetësorë në Kosovë”, tha ai.

Ndërkohë që është raportuar se një laborator i licencuar për testimet PCR ka mashtruar me dokumente, e që e njëjti nuk i ka përmbushur kriteret, ministri Zemaj nuk ka treguar nëse ky institucion është gjobitur.

Artikujt e ngjajshëm

Leave a Reply

Your email address will not be published. Required fields are marked *

Back to top button
Close