Agim Bahtiri ‘Me para të komunës ka blerë 30 mijë kondoma’

Ish-kandidati për kryetar të Mitrovicës nga radhët e Lëvizjes Vetëvendosje, Fehmi Ferati dhe kryetari i kësaj komune janë përfshirë në një debat përmes rrjetit social Facebook, shkruan Gazeta Metro.

Pas ktitikave rreth kërkesës për të falur bajramin në shesh nga Bahtiri, Ferati ka reaguar përsëri duke thënë se Bahtiri bleu 30 mijë kondoma me para nga buxheti komunal.

“Kryetari i komunës më të varfër të Kosovës me më së shumti raste sociale e që premtonte 15.000 vende pune e thoshte me mburrje se “Nuk di t’i le Nënat me qajtë për bukën e gojës” e që i ka ble me buxhet komunal në kohë pandemie 30 mijë kondoma e që premtonte mrekullira në qytetin që është zbrazur më së shumti nga të rinjët, paska paralajmëruar padi kundër meje! Të shohim cila padi po arrinë e para në procedurë!!!”, ka shkruar Ferati në Facebook.