Albin Kurti emëron shoferin e tij në postin e këshilltarit politik në kabinetin e Qeverisë
Kryeministri Albin Kurti, e ka emëruar këshilltar Liman Hotin, si këshilltar politik në qeverinë që ai e udhëheq.
Liman Hoti ka qenë për shumë vite shofer i veturës së Albin Kurtit, gjatë kohës sa ai nuk e mbante postin e kryeministrit.
Mirëpo, me të ardhur në qeveri dhe faktit që Kurti tashmë udhëton me gardën shtetërore, që ia ka caktuar Policia, atëherë ai e ka rehatuar me një vend pune, ish-shoferin e tij.
Kurti e ka marrë afër vetës Liman Hotin, duke e bërë këshilltar politik në kabinetin e kryeministrit.
Kjo vërehet edhe në disa argumente që i ka siguruar Gazeta Blic.
Se Hoti ka qenë shofer personal i Albin Kurtit, dëshmohet edhe në një video të bërë nga vetë kryeministri, gjatë kohës së fushatës së fundit të zgjedhjeve të mbajtura me 6 tetor.
Gazeta Blic ka tentuar të kontaktojë me vetë Hotin, por komunikimi me të ka qenë i pamundur.
FOTO/ Liman Hoti i pari majtas, kurse në mes kryeministri Albin Kurti
