Kryeministri i vendit, Ramush Haradinaj, ka bërë të ditur se sot e ka marrë pasaportën e Shqipërisë.
Përmes një postimi në Facebook, ai ka treguar se përveç tij, me pasaportë shqiptare është pajisur edhe Anita, bashkëshortja e Kryeministrit.
“Vitin e kaluar, gjatë periudhës së qëndrimit tim në Strasburg, me dekret të posaçëm nga ish-presidenti i Republikës së Shqipërisë, Bujar Nishani, me është dhënë shtetësia shqiptare, mua dhe bashkëshortes sime, Anitës.
E falënderoj shtetin shqiptar dhe e kam për nder të jashtëzakonshëm, që sot u pajisa me pasaportën e Republikës së Shqipërisë”, ka shkruar Haradinaj.
Ndryshe, Haradinaj është kritikuar mjaft shumë se me bllokimin e Demarkacionit po bllokon qytetarët e Kosovës për heqjen e vizave, pasi qe dy vite BE’ja ka thënë vazhdimisht se kalimi i kësaj marrëveshje në Kuvend është kusht për vizat.