Albin Kurti heq dorë nga Ministria e Brendshme
Albin Kurti para se të mandatohet nga Presidenti Hashim Thaci për ta krijuar Qeverinë ka bërë publike propozimet për pesë ministra nga Lëvizja Vetëvendosje dhe zëvendëskryeministrit të dytë.
Nga videomesazhi i tij shihet se ai ka hequr dorë Ministria e Brendshme, duke e ftuar LDK-në që t’i japë propozimet e ministrave nga ana e tyre në mënyrë që të formohet Qeveria e re, njofton Klan Kosova.
Albin Kurti ka thënë se do të shkojë sot në takim me Presidentin Hashim Thaçi pa pasur pajtueshmëri për marrëveshje bashkëqeverisëse me LDK-në.
Përmes një video ai ka thënë se një takim me Isa Mustafën i është pamundësuar këto ditë, njofton Klan Kosova.
Ai ka ftuar LDK-në që t’ia dërgojë emrat e ministrave të rinj ndërkaq vet ka bërë publike listën me propozime që të drejtojnë ministri dhe këta janë:
Haki Abazi – Zëvendëskryeministër i dytë
Albulena Haxhiu – Ministre e Drejtësisë
Blerim Reka – Ministër i Jashtëm
Besnik Bislimi – Ministër i Financave
Rozeta Hajdari – Ministre e Tregtisë
Arben Vitia – Ministër i Sportit dhe Shëndetësisë.
