Kajtazi: Donika Gërvalla është ministrja më e dobët që ka pas Kosova ndonjëherë, duhej shkarkuar moti
Gazetari Vehbi Kajtazi në emisionin Debat Plus ka analizuar zhvillimet e fundit gjeopolitike.
Sipas tij për shkak të presionit të mundshëm të Serbisë dhe rrezikut potencial nga ta, ne “duhet të jetë më aktive diplomacia, më aktiv presidenti, kryeministri e parlamenti, kushdo që ka mundësinë, unë e kam një qëndrim në raport me zonjën Gërvalla si ministre, është ministrja më e dobët që ka pas Kosova najherë edhe ish dashtë me u shkarku moti“.
Analisti Dardan Gashi, në emisionin RTV Dukagjini, e ka akuzuar Kryeministrin Albin Kurti për fondin e krijuar për dedikimin për ushtrinë. Ai ka theksuar se Qeveria e ka buxhetin e saj dhe s’ka nevojë qytetarët dyherë të paguajnë për ushtrinë, njëherë nga tatimet e njëherë nga xhepi.
Sipas tij, ai duhet të qartësohet se përse e kishte kritikuar marrëveshjen e ish Kryeministrit Hashim Thaçi me NATO-n për ruajtjën e Veriut të Mitrovicës, dhe sipas tij sikur të kishte mundësi Ukraina të bënte një marrëveshje të tillë me NATO-n do të jepte gjithçka.
Dardan Gashi ka thënë se sa pare i ka dhënë diaspora për fondin e parë të Kurtit për pandeminë, asnjë hiç.
