Kur e nisi Agim Aliu të gjithë ishin skeptik – por projekti madhështor po merr formë

Shenjëzimi përfundoi e bashkë me të edhe mbjellja e luleve tek Rrethi i Madh afër Spitalit, për t’ia kthyer funksionalitetin e bukurinë e munguar, gjithë asaj zone, ka informuar Kryetari i Ferizajt z. Agim Aliu për projektin Bashkimi i Qytetit.

Kryetari i komunës së Ferizajt, Agim Aliu ka njoftuar se ka mbetur edhe më pak se 30 përqind e punëve të kryeveprës infrastrukturore “Bashkimi i Qytetit”, hallkë kjo më e madhja e më me peshë në zinxhirin e gjatë të transformimit infrastrukturor që po bëjnë çdo ditë të punës përgjatë gjithë qytetit e fshatrave.

“Ditë pas dite, në 30% e mbetur të punëve po ngritet mu në zemrën e Ferizajt, kryevepra infrastrukturore “Bashkimi i Qytetit”, hallkë kjo më e madhja e më me peshë në zinxhirin e gjatë të transformimit infrastrukturor që po bëjmë çdo ditë të punës sonë, përgjatë gjithë trupit të qytetit e fshatrave. Pamje nga puna pa pushim, në kantierin që me çdo goditje gozhde po e bën më të afërt e të prekshëm transformimin, identitetin e ri të Ferizajt, që më shumë se gjithçka e meriton Ferizaj e ferizajasit”, ka shkruar ai në Facebook