E pa zakontë: Mediat serbe raportojnë për festën kombëtare dhe ditëlindjen e Adem Jasharit, e cilësojnë si hero!

Ngjarjet e zhvilluara sot për festën e 28 nëntorit, kanë zënë vend edhe në ballinat e mediave në serbi të cilat kanë raportuar.

Por pak e pa zakontë duket raportimi për figurën emblematike të Ushtrisë Çlirimtare të Kosovës, Adem Jashari, ku shtatorja e të cilit u përurua në qendrën e qytetit të Lipjanit.

Agjencia serbe e lajmeve Tanjug, raportoi sot se në Lipjan, u zbulua busti i heroit Adem Jashari, të cilit i referohen si themeluesi i Ushtrisë Çlirimtare e Kosovës, duke shënuar Ditën e Pavarësisë së Shqipërisë.

“Dita e Pavarësisë së Shqipërisë dhe Dita e Flamurit Shqiptar përkojnë me datën e lindjes së Adem Jasharit” , shkruan Tanjug.