LDK zhvillon procesin zgjedhor në Gjilan, Haziri thotë se ishin 6 mijë pjesëmarrës!

Lidhja Demokratike e Kosovës është duke vazhduar procesin zgjedhor në të gjitha degët dhe nëndegët e saj.

Procesi zgjedhor i LDK-së u zhvillua sonte edhe në Gjilan.

Sipas të parit të Gjilanit, njëkohësisht nënkryetarit të LDK-së, Lutfi Haziri në këtë proces zgjedhor ishin 6 mijë pjesëmarrës, transmeton Indeskonline.

Haziri tha se gjysma e këtyre pjesëmarrësve janë emra të rinjë.

Postimi i plotë:

6 mijë pjesëmarrës në proces zgjedhor të LDK në Gjilan. 980 veprimtarë të zgjedhur nëpër nëndegë. Gjysma e tyre emra të rinjë. Kur ia shton kësaj edhe rininë e organizuar që e kemi, s’kemi çka me konstatu ma shumë pos që Kuvendi i madh i Degës ka me qenë model përfaqësimi i partisë së parë në Gjilan e Anamoravë.