Lutfi Haziri e “luan lojēn”: Unë e provokova Vjosa Osmanin

Nënkryetari i LDK’së, Lutfi Haziri ka folur edhe për marrëdhëniet e acaruara me deputeten Vjosa Osmani.

Derisa të dy po përmenden si kandidatë të mundshëm për kryetar të partisë në zgjedhjet e brendshme që po mbahen, Haziri duke folur për mospajtimet që kanë pasur të dy, tha se nuk kanë ndonjë problem, vetëm dallime politike.

“Probleme nuk kemi, dallime eventuale politike, fundja të dy jemi të kryesisë së LDK’së e të grupit parlamentar”, tha nënkryetari i LDK’së në T7.

Tutje, Haziri deklaroi se ishte ai që ka shkaktuar problemin e jo deputetja Osmani, por, që sipas tij kjo nuk është bërë me tendencë.

“Provokimin e kam shkaktuar unë jo Vjosa por nuk ka qenë tendencioz”, deklaroi nënkryetari i LDK’së.