Malazezët e arrestuar, jetonin në Prishtinë me identitet të ndryshuar

Në një aksion që ka vazhduar gjithë pasditen, policia ka bërë arrestime në dy ndërtesa. Bashkë me ta, janë arrestuar edhe një shtetas serb dhe një kosovarë.

Aksioni i Policisë ndodhi në bashkëpunim me autoritetet e Malit të Zi, ku në Lagjen Emshir të Prishtinës, vunë në pranga shtetasit malazias që përveç tjerash akuzoheshin edhe per veprat penale: ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’ dhe ‘mbajtje në pronësi, kontroll apo posedim të armës’.

Milloshevic dyshohet për vrasjen e Cetinjanin Radomir Djurickovic on tetor të 2016. E Poviceviq është i dyshuar që e ka ndihmuar Milloshevic të ikë nga spitali, ku po mbahej për të vuajtur dënimin për kidnapim dhe vrasje që kishte kryer në vitin 2015 në Kotor. Për të dy këta, INTERPOL kishte lëshuar fletëarrest ndërkombëtar.

Policia e Kosovës, përmes një komunikate për media ka thënë se kanë bastisur banesat ku po qëndronin të dyshuarit.

“Operacioni policor është zhvilluar në dy lokacione në Prishtinë dhe gjatë kontrollit janë gjetur dhe janë sekuestruar dy armë, sasi e narkotikëve, një veturë, dokumente që dyshohet se janë të falsifikuara, sasi e parave dhe gjëra të tjera.”

Ndërkohë, që përmes banorëve të lagjes Emshir, Frontal mëson se në mesin e të arrestuarve është edhe një femër, Laureta Zyba e cila është edhe valltare e klubeve të natës.

Banorët për T7, prapa kamerave tregojnë për aksionin që u zhvillua në tri ndërtesat e lagjes.

Ku një nga të arrestuarit kishte tentuar edhe të kërcente nga dritarja e banesës, për të ikur.

Po ashtu ata tregojnë se dy persona të dyshuar edhe kanë arritur të ikin.

Të tillët, që nga shtatori i vitit 2017 janë banorë të kësaj lagje.

Për Frontal, agjencia përmes të cilës të arrestuarit kanë marrë banesat me qira thonë se ata janë paraqitur me identitet tjetër. Të arrestuarit, janë dërguar në mbajtje