PDK: Glauk Konjufca ideologu i organizatës terroriste ‘Syri i Popullit’, le ti tregoj lidhjet familjare me Ramabajën
Grupi Parlamentar i PDK-së, nëpërmjet një komunikate për media ka shprehur indinjatë për shkruhet aty ‘karakterin parapolitik që i është dhënë Kuvendit të Kosovës, duke qenë në krye të tij ideologu i organizatës terroriste ‘Syri i Popullit’, Glauk Konjufca”.
“Kryeparlamentari Konjufca, i cili ka lidhje të ngushta familjare me ish asamblistin dhe ish kandidatin për deputet të VV-së, Sadri Ramabajën, të dënuarin e ‘Syrit të Popullit’, duke heshtur, po mbron veprimtarinë e kësaj organizate terroriste, e cila krijoi lista për vrasjen e kundërshtarëve politikë dhe filloi zbatimin e saj duke bërë atentat”, thuhet në komunikatën e Grupit Parlamentar të PDK-së.
Sipas GP të PDK-së, Vetëvendosje me heshtjen e saj, po rikonfirmon atë që PDK ka thënë vazhdimisht dhe që u vërtetua edhe në gjykatë – se “Syri i Popullit” është zgjatim i Vetëvendosjes në praktikë dhe diskurs.
“PDK kërkon të ruhet fryma dhe karakteri demokratik i Kuvendit të Kosovës nga çfarëdo individi që asocohet me këtë organizatë terroriste”, thuhet në komunikatë./Periskopi/
