Përfundon intervistimi në Speciale pas 3 orësh, Veseli nuk jep detaje

Pas më shumë se tre orësh ka përfunduar intervistimi i kreut të PDK’së, Kadri Veselit, në Gjykatën Speciale.

Megjithatë ish-komandanti i UÇK ‘së, nuk është deklaruar për mediat rreth asaj që ka ndodhur brenda zyrave të Speciales.

Kreu i Kuvendit kishte paralajmëruar se do të mbrohej në heshtje, megjithatë gjithçka pritet të sqarohet në vazhdim duke qenë se intervistimi ka zgjatur më shumë se tri orë.

Ftesa Veseli i kishte ardhur më 7 nëntor, megjithatë nuk ishte bërë e ditur se në çfarë cilësie ishte ftuar.