Skandaloze: Në librat e biologjisë në Kosovë, personi me sindromën Down cilësohet ‘idiot mongoloid’ që nuk jeton më shumë se 15 vite!

Tekstet shkollore vazhdojë të kritikohen për gabime të shumta e prani të termeve paragjykuese e diskriminuese.

Një rast i tillë është në librin e Biologjisë të klasave të 10-ta të Gjimnazit Gjuhësor, si dhe në librin e klasave të 11’ta të Gjimnazit të Përgjithshëm, ku Sindroma Down cilësohet si ‘idioti mongoloid’, term i cili sipas Organizatës Botërore të Shëndetësisë ka vite që nuk përdoret dhe cilësohet si term fyes. Për këtë gjë ka reaguar edhe organizata Down Sindrom Kosova.

Po ashtu në disa libra të Biologjisë thuhet se personat me sindromën Down ‘jetojnë më së shumti 10 deri në 15 vjet’, gjë e cila nuk është e vërtetë. /RTK/