Vëllezërit e ish deputetëve të PDK-së, Latës e Remit, me paga mbi 1000 e 2000 euro në PTK
Pozita dhe paga të mira në Telekom kanë edhe dy vëllezërit e ish deputetit të PDK-së, Latif Gashi, i njohur si Komandant Lata, raporton Ballkani.info.
Nazmi Gashi i merr nga Telekomi 2500 euro në muaj dhe e ka pozitën e Këshilltarit të Përgjithshëm të Kryeshefit Ekzekutiv. Kurse, vëllai tjetër i Latës, Besimi, është koordinator i Kredit Kontrollit dhe në muaj paguhet 1300 euro.
Edhe një ish deputet i PDK-së e ka të punësuar vëllain në Telekom. Bëhet fjalë për Rrustem Mustafën i njohur si Komandant Remi. Vëllai i tij, Hyseni është Koordinator i Financave dhe për punën që bën paguhet 1500 euro në muaj.
Në Telekom punon edhe bashkëshorti i deputetes së LDK-së, Hykmete Bajrami, Nazmi Zeqiri. Ai është Drejtor i Qendrës së Trajnimeve dhe paga e tij është 2000 euro në muaj.
Drin Sylaj është zyrtar i Marketingut dhe merr pagë mujore nga Telekomi 700 euro. Ai është djali i ish anëtarit të Bordit të Telekomit, Gani Sylës nga PDK-ja.
