Haliti: Vrasësin e Konushevcit e vranë Fatmir Haklaj e Florim Krasniqi, por cili e ka ngre gishtin ata e dinë
Haliti ka thënë se “dihet kush ka kryer këto vrasje dhe se nuk është e vështirë të gjendet nga hetuesia”.
Sipas Halitit, vrasja e Ilir Konushevcit ka qenë çështje aksidentale.
Ai ka thënë se dihen emrat e të gjithëve që ishin në pritë në këtë rast, ndërsa për dyshimet e tij për një vrasje tjetër ka përmendur Florim Krasniqin e Fatmir Haklajn.
“Çështja e Ilir Konushevcit është një çështje aksidentale në kuptimin që me hy në detaje është gjatë si histori por në makinën e Ilirit kanë qenë tre veta, në kamion kanë qenë dy oficerë të gardës dhe ata duhet të kenë emra dhe mbiemra. Dikush e di kush janë ata dhe kush i ka nis. Kamioni është ndal për me i vjedh armët. Armët kush i ka porosit. Unë i kam dyshimet e mia, dhe nuk du me i thënë sepse nuk kam argumente. Gjashtë veta që kanë qenë në pritje, emrat e tyre dihen. Në momentin që ka ardh Iliri me doktorin me veturë ata kanë shti me armë në drejtim të veturës i kanë thënë ndale veturën dhe fiki dritat. Personi i tretë ka qenë në makinë mbrapa në gjumë. Duhet të dihet kush është. Dhe për me ndriqu ska asnjë problem. Personi i tretë kur ka dalë nga makina ka shti me armë. Këta thonë Iliri ka shti me armë, Iliri nuk ka shti me armë. Ka shti në drejtim të njerëzve të pritjes. Aty është vra vëllau i një me mbiemri Demiri. Këta e kanë marrë e kanë qu në spital dhe aty ka vdek. Prej aty nuk e di në cilin spital nuk di ku e kanë qu. Edhe kur ka vdek, këta janë kthy mbrapa dhe i kanë gjet Ilirin edhe doktorin tu u kthy mbrapa, edhe i kanë ekzekutu si shenjë hakmarrje. Më vonë vëllaun tjetër Demirin e kanë vra Florim Krasniqi dhe Fatmir Haklaj, cili e kanë ngre gishtin ata e dinë. Me emra them. E kam hetu me mundësitë e mia në detaje”, tregon Haliti.
Se nga e di Haliti ngjarjen, thotë se gjithçka ka në kokën e tij, duke mos dashur të shpalos detaje tjera pasi që sic thotë ai për këtë cështje nuk do të mjaftonte as një emisionin katër orësh. Por megjithkëtë, Haliti thotë se ngjarjen mund ta zbardhin njerëzit e Ushtrisë Clirimtare të Kosovës.
“Unë e di, i kam në kry tem. Nuk mund të them se ku e di se duhet me bë një emisioni një javë me fol për këtë. Këto detaje mund të diskutohen ose në gjyq ose në emision tre katër orë. Unë po du me dhënë mesazh, ashtu sic kam kërkuar të hetohem edhe unë edhe kushdo qoftë për rastin e Ahmet Krasniqit. Janë dy raste që duhet të hetohen dhe të zbulohen. Njerëzve të UCK-së iu takon ta ndriçojnë rastin e Ilirit me fuqinë me të madhe të Ligjit. Nuk e di se kush po e pengon. Shteti heton nëqoftëse ti jep argumente. Po besoj që atëherë ka pas akuza dhe kundër akuza brenda nesh tani kanë dalë ne mediume dhe janë çështje që janë bërë çështje përfoljsesh sesa argumente. Ka dëshmitarë të gjallë që e dinë ngjarjen që ka ndodhë në pritje. E dinë kohën kur është nis Iliri, kush e ka nis, kush janë kon njerëzit me kamionin me armë, kush është personi i tretë në veturën e Ilir Konushevcit. Mendoj që më shumë njerëzit e UCK-së duhet me tregu, ata që e kanë nis”, thotë Halit.
