Kjo parti kosovare është kundër futjes së edukatës seksuale në shkolla

Partia FJALA është kundër idesë së futjes së edukatës seksuale nëpër shkolla. Këtë e ka bërë të ditur kryetari i kësaj partie, Gëzim Kelmendi.

Koalicioni K10 që përfshin disa OJQ, sot do të bëj lansimin e platformës për të drejtat e shëndetit seksual dhe riprodhues.

Sipas tyre është shqetësuese se vetëm 14% të qytetarëve përdorin mjete kontraceptive, dhe për këtë ata shohin të arsyeshme futjen e edukatës seksuale në shkolla.

“Ideja e disa OJQ-ve që në Kosovë të futet lënda e edukimit seksual, është ide e rrezikshme dhe cënon rëndë vlerat tona morale që ne si popull i kemi kultivuar me shekuj.

Fëmijët tanë nuk kanë nevojë për edukatë seksuale.

Fëmijët tanë kanë nevojë për edukatë morale, e cila mësohet në kuadër të edukatës fetare.

Në shkollat nuk duhet të futet edukata seksuale.

Në shkollat tona duhet edukata fetare.

Është e turpshme se si disa OJQ- për përfitime materiale na promovojnë shfrenimin seksual si edukim seksual ,e që sipas tyre i bie ju “kënaquni” sa të mundeni, vetëm se duhet të përdorni kontraceptiv.

Ne iu bëjmë me dije se ne jemi pasues të Ymer Prizrenit, Haxhi Zekës e Isa Boletinit, ne kemi kulturën e tonë dhe moralin tonë.

Neve nuk na duhet kultura e atyre që ndërrojnë partnerët sikur çorapet, që flen burri me burrë e grua me grua.

Atë kulturë mbani për veti e mos ia mësoni fëmijëve tanë.

E ato para që i merrni për të na prishur fëmijët tanë, keni për të i vjellur ngase çdo send i ndytë, del nga organizmi” ka thënë Kelmendi.