Publikohen xhirimet e vjedhjes së kompanisë ‘Pastrimi’ në Prishtinë
Mbrëmjen e së dielës, kompania “Pastrimi” në Prishtinë është bërë cak i hajnave.
Në këto xhirime të kamerave të kompanisë, tre hajnat shihen duke marrë njërën nga kutitë e vjedhura të kompanisë, raporton KTV.
Menaxhmenti i kompanisë në fjalë ka konfirmuar se në njërën arkë të vjedhur ka pasur para, kurse në tjetrën dokumente.
Salihu ka bërë të ditur se kjo është hera e tretë që kompania është pre e hajnave, po që në herët e kaluara nuk kishin vjedhur para, pasi të njëjtat i kanë pasur të deponuara në bankë.
Edhe pse nuk ka asnjë të dyshuar, Salihu ka thënë se një dukuri e tillë në këto ditë ka ndodhur edhe në Ujësjellësin Rajonal Prishtina, në kompaninë “Kosovatex” dhe në një auto-larje afër kompanisë “Pastrimi”.
Policia e Kosovës ka bërë të ditur se në vendin e ngjarjes kanë dalë njësitë relevante të Policisë, të cilat ia kanë përcjellë rastin njësisë së hetimeve
