Behgjet Pacolli: Miliona euro ia kam dhënë arrogantes Mimoza Kusari-Lila
Ish presidenti i Kosovës, Behgjet Pacolli, në një intervistë për InfoPress ka thënë, se 90% ia ka kushtuar Gjakovës dhe Mimoza Kusarit, dukë lënë anash çdo gjë tjetër nëpërmjet investimeve marramendëse, që janë më tepër se miliona. Sipas të njëjtit prej sjelljes arrogante të saj, janë bërë edhe largime nga AKR -ja
Ish presidenti i Kosovës, Behgjet Pacolli, ka akuzuar rëndë ish zëvendësen e tij në AKR, Mimoza Kusari-Lila, duke thënë se ajo e ka qenë përfituese dhe se ka shfrytëzuar AKR-në si trampolinë.
Kryetari i Aleancës Kosova e Re (AKR), Behgjet Pacolli, për Gazetën InfoPress, ka thënë se, nuk matet vlera e fushatave të Mimoza Kusarit vetëm me mjete financiare, ose para, pasi janë vlera më të ulëta sesa vlera emocionale.
“Vlera e investimeve në dy fushatat e Mimoza Kusarit, nuk kalkulohen vetëm me mjete ose para praktike të cilat janë vlera më të ulëta se vlera emocionale e njerëzve që kanë punuar në atë fushatë, energjia që është investuar, koha e shumë tjera”, tha ai.
Pacolli ka theksuar se investimet e tij kushtuar Gjakovës dhe Mimoza Kusarit janë marramendëse, siç thotë ai, më tepër se miliona.
“Unë personalisht gjatë tërë kohës, 90% ia kam kushtuar Gjakovës dhe Mimoza Kusarit, dukë lënë anash çdo gjë tjetër. Këto të fundit janë investime marramendëse, më tepër se miliona. Unë fushatës së saj, i kam përkushtuar javë të tëra, e ju e dini se sa kushton dita ime. Fushatës së saj, nuk i ka munduar asgjë nga logjistika dhe përcjellja profesionale e mediatike”, thotë Pacolli.
Më tej, kreu i AKR-së, thotë së Mimoza Kusari u largua për arsye opurtuniste nga kjo parti.
“Largimi i saj nga AKR-ja, nuk është bërë për çështje parimore, por për arsye opurtuniste, interesa personale dhe nuk është diskutuar me askënd në AKR”, përfundon Pacolli.
Në anën tjetër, kryetarja e Gjakovës, Mimoza Kusari – Lila, nuk është përgjejgur për Gazetën InfoPress, edhe pse ne i kemi shkruar dhe kemi provuar t’i telefonojmë, por kontakti me të ka qenë i pamundur, gjë që ka ndodhur për disa ditë rresht.
Më herët, Kusari – Lila, i ka bërë thirrje Pacollit për të shkuar në partinë e re që ajo dhe deputeti Ilir Deda do ta themelojnë, mirëpo Behgjet Pacolli e ka quajtur të vogël ish zëvendësen e tij.
“Edhe pa Mimoza Kusarin kemi pasur vota. Ajo mos të më thërret në partinë e saj, sepse ajo është shumë e vogël për mua në këtë rast”, ka thënë Pacolli.
Pacolli shtoi se Kusari-Lila ka qenë e përkëdhelura e AKR-së dhe edhe pse ka ndikuar negativisht që të ikin njerëz nga partie, e jo të vijnë.
“Mimoza Kusari-Lila ka qenë e përkëdhelur në AKR, prej ardhjes së saj asnjë grua nuk ka ardhë në AKR, pos që janë larguar masivisht….95 për qind e asamblistëve në Gjakovë nuk e kanë përcjell Kusari-Lilwn, sepse ajo është sjellë në mënyrë arrogante”, është shprehur Behgjet Pacolli./gazetainfopress
