Kimete Berisha: Kusari ka bërë pazare me kriminelët serbë kundër veteranëve të UÇK-së

Shkruan: Kimete Berisha

Çka është për të qeshur?

Është për të qarë – prandaj Albin Kurti po qesh.

Në seancën e buzëqeshjeve të montuara në ballkonin e qeverisë, nuk e ka ftuar Mimozën.

Të drejtë për të qeshur u ka dhënë vetëm

Donikës, Glaukut, Bislimit dhe Vjosës, e cila e ka angazhuar Donikën që të qesh edhe për të.

Mimoza Kusari Hari as nuk po guxon të tregojë se Albin Kurti e ka porositur të takohet tinëz me kriminelë serbë.

Nëse Mimoza e tregon të vërtetën, pastaj paramilitarët e Vetëvendosjes tregojnë të vërteta të tjera për Mimozën, e përmendin edhe ‘Hotel Jugosllavinë’…

Mimoza Kusarin, Albin Kurti edhe e ka rrahur edhe nuk lë të qaj.

– Sa ishte në opozitë Listën Serbe e quante ‘Formacion Çetnik’.

Kur e mori pushtetin, Albin Kurti tha se ‘Lista Serbe nuk është edhe aq e keqe. Nuk mendoj më që janë ‘çetnikë”!

Kur Amerika Radoiçiqin e shpalli ‘non grata’, Albin Kurti e afroi afër vetes, e lëmoi nëpërmjet një gruaje ambicioze, e cila është gruaja e parë në historinë e shqiptarëve që ka vallëzuar para një diktatori dhe ka bërë pazare me kriminelët serbë kundër veteranëve të UÇK-së.

Është spiunja më e mjerë, më injorante, më e dëshpëruar dhe më qesharake, sepse ka besuar se kriminelët që kanë përdhunuar gra e vajza shqiptare në luftë, kësaj do t’ia ruajnë sekretet antishqiptare në paqe!

Mimoza ka zhvilluar biseda dhe takime sekrete me kriminelë serbë, të shpallur non grata nga Amerika.

Në audio-përgjime, kur Simiç i thotë Mimozës se ‘Ata serbë që Amerika i ka shpallur ‘non grata’ janë domaćina dhe njerëz shumë të mirë’, Mimoza Kusari pajtohet që kriminelët janë domačina: ‘E di’ – ia pohon serbit.

Por, Amerika nuk po e di që ata janë njerëz të mirë’.

Në një mesazh që ia ka dërguar Mimoza Kusarit, Radoiçiq ankohet dhe kërkon që bisedat me të t’i ruaj sekret, ashtu siç janë marrë vesh.

Se, përndryshe, nëse bëhet nervoz, ia thyen kryet jo veç Mimozës, por edhe Albinit dhe krejt Vetëvendosjes!

E pse Radoiçiç nuk është bërë ende nervoz me Albin Kurtin!

Pse nuk po ia thyen kryet pasi që mundet?

Sepse, askush nuk do t’ia thyente kokën Albin Kurti, më mirë, më sigurt dhe më shpejt se sa që Albin Kurti po ia thyen kokën vetes dhe Kosovës.

Në historinë e shqiptarëve Albin Kurti është dhurata më e madhe e shqiptarëve për Serbinë.

Sepse, Albin Kurti arriti ta bënte atë që nuk mundi ta bënte armiku më i tërbuar i shqiptarëve – E prishi aleancën me Amerikën dhe BE-në.

Albin Kurti i ka shfrytëzuar kriminelët serbë si vrasës me pagesë kundër KFOR-it dhe policisë së Kosovës. Kriminelët e ‘Mbrojtjes Civile’ – formalisht i ka shpallur terroristë, por i paguan me rroga për terrorizmin e tyre.

Jo veç Albin Kurti, të cilit Blinken i duket naiv e Milan Radoiçiq – domačin; jo veç Donika Gërvalla, të cilës Evropa i duket ‘tigër prej letre, e ‘tigrat e Arkanit’ i duken njerëz të mirë, por problem është llava e paramilitarëve tê Vetëvendosjes…këta tashmë janë antiamerikanë të deklaruar.

Albin Kurti i ka bërë shqiptarët anti-shqiptarë.

Anti-perendimorët më të mëdhenj shqiptarë jetojnë në perendim, prej nga sillen si ‘terroristë’ dhe thërrasin të mposhtet perendimi në Kosovë.

Pra Evropa i mban me bukë, që ata të kërkojnë shkatërrimin e Evropës.

Absurd!

Problem më i madh se takimet sekrete të Mimoza Kusarit me kriminelë serbë, janë paramilitarët e Albin Kurtit.

Anipse Mimoza vet e ka pranuar fajin, paramilitarët e Albin Kurtit nuk e pranojnë të vërtetën se Mimoza Kusari ka bërë biseda sekrete me kriminelë serbë ‘non grata’.

Merre me mend çfarë gjendje e rënduar mendore është kjo?

Merre me mens me çfarë njerëz të krisur kemi punë?

Duke e ditur se me çfarë idiotësh ka punë, Albin Kurti i shfrytëzon votuesit e tij si ushtarë kundër Amerikës dhe BE-së.

Prandaj, Amerika duhet ta shpall ‘non grata’ Albin Kurtin, për shkak se votuesit i trajnon të bëhen

vrasës’ të Amerikës.

P.S. Mimoza i Milan to su srca dva…